اسلامى & تعليم & افلام عربيه واجنبيه & مزيكا & رياضه & ستالايت


    التركيبه السحريه لحل كل مشاكل الشعر .. اتحدى اى حد لو لقيها فى اى منتدى تانى

    شاطر

    محمدوجدى
    كبير الشخصيات
    كبير الشخصيات

    ذكر عدد الرسائل : 426
    العمر : 17
    الموقع : google
    العمل/الترفيه : امتانات لللغة العربية الترم الاول
    نقاط : 16305
    تاريخ التسجيل : 22/03/2008

    التركيبه السحريه لحل كل مشاكل الشعر .. اتحدى اى حد لو لقيها فى اى منتدى تانى

    مُساهمة من طرف محمدوجدى في الأربعاء 23 أبريل 2008, 12:55 am

    السلام عليكم ورحمة الله وبركاته اخواتى عضوات المنتدى
    انا جيبت ليكم النهارده وصفه خطيره جدا وسحريه بتعالج جميع مشاكل الشعر الوصفه دى عباره عن تركيبه بتجيبيها من الصيدليه والوصفه دى انا عرفاها من زمان بس مش راضيه انزلها الا لما اتاكدة من انها ممتازه وجربتها على كل اللى عندى فى البيت واصحابى والكل شكر فيها اوى
    لا وايه كمان الوصفه دى حصريه جداااااااااا لعيون منتدى صعيدى وبس يعنى اتحدى اى حد لو لقيها فى اى منتدى تانى

    الوصفه دى عباره عن

    3℅+ ده بيبقى مكتوب زى الاس كده
    saliylic

    up too 100 + ده بيبقى مكتوب زى الاس كده
    vaslen

    castoro oil ℅3

    sulbhur ℅2


    وبعد كده هنجيب شامبوا اسمه بوليتار
    طريقة الاستخدام

    هتدهنى شعرك عادى جدا بالتركيبه اللى فوق ودى طبعا ممكن تجيبيها من اى صيدليه بتركب ادويه وبتدلكى فروة راسك كويس اوى بيها وبعد كده تدهنى بيها شعرك كله وتحطيها مش اقل من 6 ساعات يعنى تقدرى تحطيها قبل ما تنامى وكل ما تطول فترة التركيبه هيكون افضل ولما تصحى الصبح اغسلى شعرك بالشامو اللى انا كتبتك اسمه ده وتسيبى رغوة الشامبوا على شعرك لمده 10دقايق كده وتعليمات استخدام الشامبوا مكتوبه عليه وبعد كده تشطفى شعرك عادى وممكن تدهنى بالكريم او الزيت اللى بتستعمليه زى ما تحبى بس انا متأكدهانك مش هتحتاجى تدهنى شعرك باى حاجه
    ويسلام بقى لو لفتيه بيبقى زى ما تكونى عامله حمام كريم فى الكوافير

    وطبعا دلوقتى هتسألينى السؤال المعتاد :- طب ده يستخدم كام مره ؟

    هقولك ياستى ده بتستخدميه 3 مرات فى الاسبوع او يوم ويوم يعنى انت وشاطرتك غير مرتبط بفتره معينه يعنى مش هقولك تستخدميه مره كل 15 يوم الافلام دى ده على طول تستخدميه

    ودلوقتى السؤال اللى فى بالك انا عرفاه هتقولى لى النتيجه هتظهر بعد قد ايه؟
    مش هتصدقينى بتظهر على طول شعرك بتحسى انه افضل وانعم ولمعته بقى مش اقدر اوصفلك ومن اول مره وكل مره بيتحسن عن المره اللى قبلها

    وعلى فكره التركيبه دى بتعالج جميع مشاكل الشعر من (تقصف وتساقط وضعف ..........etc )
    ملحوظه بقى علشان ابقى قولتلك على كل حاجه
    بصى ياستى
    لما هتحوطى التركيبه دى شعرك من الفزلين اللى عليها هيبقى ملزق فى بعضه تقدرى تعمليه كعكه وتقدرى برضواتلبسى طرحه او ايشارب ومش تقلقى خالص مش بيبقع
    ريحة الشامبو عامله زى ريحة البيتادين والدي وتول وده طبعا لانه بيمنع تكوين القشره فلازم تمشى على تعليمات بتاعة استخدامه

    ملحوظه مهمه التركيبه دى بتعالج القشره كمان مش انا قولتلكم انها تركيبه شامله
    ولاخر مره بقولكم التركيبه دى متجربه كتير وانا شخصيا مجرباها واعرف ناس مجربينها وبيشكروا فيها اووووووووووى

    واى استفسار انا تحت أمركم


      الوقت/التاريخ الآن هو الثلاثاء 06 ديسمبر 2016, 7:43 am